भुक्तानी तथा क्रेडिट कार्ड जायन्ट भिसा र मास्टरकार्डले रुसी बैंक तथा वित्तीय संस्थाहरुलाई आफ्नो नेटवर्कमा प्रतिबन्ध लगाएको छ।
युक्रेन माथि आक्रमण जारी राखेपछि भिसा र मास्टरकार्डले रुसमा आफ्नो सेवा बन्द गर्ने निर्णय गरेको बताइएको छ। गत साताबाट रुसले युक्रेन माथि आक्रमण सुरु गरेपछि अमेरिकासहितका देशहरुले रुस माथि विभिन्न प्रतिबन्ध लगाउने निर्णय गर्दै आएका छन्।
सोमबार मास्टरकार्डले आफ्नो नेटवर्कबाट रुसमा अधिकांश बैंक तथा वित्तीय संस्थाहरु माथि प्रतिबन्ध लगाएको जनाएको थियो।
